Kumusta batangbalete?

 Kumusta na?

 

Kumusta mga kaibigan. Napakatagal ko ring nawala sa ere. Salamat sa mga brother sites www.quinoy-ako.wordpress.com at www.my-japson.wordpress.com at patuloy akong na-a-update sa mga kaganapan sa Quirino. Napakarami rin ang nakikinabang sa mga balita at updates na nababasa sa mga sites na ito lalo na sa mga malalayo sa ating barangay.

 

Lubos akong nalungkot ng mabalitaan ang di magagandang balita na namaalam na sina Kagawad Ruben Dacumos at si Gng. Belen de Vera. Kami po ay nakikiramay lalo na sa mga anak ng dalawang pamilya na aming nakasama na sa aming paglaki sa Quirino.

 

Isa pa ring update, kaugnay sa pamamaalam ni Kagawad Ruben, humalili sa kanya bilang kagawad ang kaniyang anak at isa rin nating kaibigan na si Gary Boy Dacumos. Sabi nga ni kaibigang Quinoy, sana ay kanya ring pag-ibayuhin ang sipag sa bagong larangan na kanyang pinasok gaya ng kanyang husay sa paglalaro ng basketball.

 

 

Sa loob ng mga nakalipas na buwan ay napakarami kong natanggap na batikos sa di ko pagpapatuloy ng pag a-update sa ating tambayan. Marami naman sana akong natatangap na e-mails at mga larawan na pwede nating pag-usapan.

 

Paumanhin po sa mga taga-subaybay dahil naging busy na po ako at halos di na maharap ang mag-online. Natuwa lamang ako ng magbukas ako ng mga blogsites sa Quirino at sila ay patuloy na aktibo sa pagbibigay ng updates. Kasabay rin nito ang pakiusap sa akin ng ilang kaibigan na ituloy ang nasimulan na ng ating tambayan.

 

Kaya panawagan po para sa ma alumni o nagtapos sa ECRMNHS, pwede po natin muling gawing medium ang blogsite na upang ating pagsalu-saluhang muli ang ang naging tawanan, iyakan at lahat ng natatandaaang kaganapan sa ECRMNHS.

 

Salamat din kaibigang “Aerosmith” sa iyong mga ipinadalang larawan, paumanhin nga lamang at sa mahabang panahon ay di ko pa ito naibabandera dito. Hinihintay na rin ng marami ang mga bago mong kwento at mga larawan tungkol sa barangay Quirino.

 

Napakarami ring suhestiyon at tanong tungkol sa matagal ng balak na ECRMNHS Alumni Association. Welcome po ang site na ito sa pag-o-ooranisa nito. Maaari po kayong mag-e-mail kung ano ang gusto ninyong ipanawagan, mapa-reunion ng pamilya, batch, birthdays o pwede rin namin kayong tulungan sa paghahanap sa mga nawawalang kaibigan.

 

Tuloy na natin ang naputol  na usapan, anong batch ka ba? Pakilala ka na!

 

 

 

 

 

Batch ‘93 pictures

Pinadala ng isang miyebro ng Batch ‘93. Halos 15 years na ang nakakalipas mula ng sila ay nagtapos at sadyang napakasaya ng kanilang muling pagtitipon tipon.

Ang larawan sa ibaba ay kuha sa Tagaytay mula sa kaliwa ay si Ronald Viloria, Erwin Aragon, Nick Marzan at Joni Casison.

Ang pangalawang larawan naman sa ibaba ay kuha sa Imus, Cavite. Mula sa kaliwa ay si Ronald Viloria, Joni Casison, Erwin Aragon, Nick Marzan at Marcelo Reyes.

Ang sumunod na larawan ay si Emmanuel delos Santos and son of Detailen.

Another member of batch ‘93 Emmanuel’s wife Rowena from Dikildit.

We are missing this one, a batch ‘93 politician Marlito Japson.

Mga kuha nina : zurcarer & aerosmith

May larawan ka bang nais ipakita sa buong mundo? E-mail mo na sa batangbalete@gmail.com

Pista ng Baler 2008

Maligayang pagdiriwang sa pag gunita ng ika-130 kaarawan ng dating pangulo ng Pilipinas na si Manuel Luis Quezon kaalinsabay ng pagdaraos ng pista ng Baler.

Ang sumusunod na post ay mula sa website ng batangbaler. Para sa detalyadong coverage ng lahat ng pangyayari na idinaraos sa naturang kapistahan bisitahin ang batangbaler.

Ngayon ay ipinagdiriwang natin ang ika-130 kaarawan ng Tala ng Baler, ang ating lolong si Manuel L. Quezon, antigung batang Baler. Ngayun din ang ika-399 na anibersaryo ng Baler. Sa susunod na taon ay quadcentennial ng Baler. Siguradong matending pagdiriwang ito. Para sa pagkakaalam ng wala pang may alam, ang pyesta ng Baler ay hindi itinapat sa kaarawan ni Pres. Quezon. Matagal nang pyesta ng Baler ang August 19. Nagkataon lang na pista siyang ipinanganak, kaya tipid sa handaan.

Narito ang wikipedia article tungkol kay Manuel L. Quezon
At narito naman ang tungkol sa Baler

Mga batangbalete sa QC

Habang binibisita ko ang isang old friend sa QC ay aking nakadaupang palad ang mga umuusbong na batangbalete. Laking gulat ko at sa paglipas ng panahon ay di mo namamalayan ang mga dating ugat ng balete ay mga sanga na ngayon.

Sa aming pag-uusap isa lang ang kanilang naging kahilingan, ang makita sa ating site ang kanilang larawan. Kaya’t narito na ang mga batangbelete sa QC, pagmasdan ninyo at kilalanin sila.

Kung ikaw ay batangbalete at nais mo ring ibandera sa buong mundo ang larawan ng iyong barkada, batch o pamilya, e-mail mo na sa batangbalete@gmail.com

Mga batangbalete sa Dubai

Ako ay naimbitahan bilang isang ninong ng binyagan sa St. Mary’s Church sa Dubai si Djaurv Brithan Hungriano Hipol anak pareng Darwin Hipol at mareng Juville Hungriano Hipol.

Makikita din ninyo sa website ng kaibigan nating si Quinoy ang larawan sa ibaba. Huli man ay aking inihahabol ang pag po-post ng larawan ng mga batangbalete sa Dubai dahil narinig daw ng isang katoto na nakarating sa binyagan na habang kinukunan ang larawan sa ibaba ay may nagbanggit na “pang batangbalete itong picture na ito…intayun”.

Kahit saan talaga ako makarating ay maroon kang makikitang sanga ng isang batangbalete. Mula sa kanliwa ay sina Jojo Hungriano, Eddie Casison, Darwin Hipol, Dante Casison, Juville Hipol, Richard Casison, Adel de Vera, Jona Aguinaldo, Monet Casison, Jun Marzan, Adel Villaluz with Djaurv, Erwin Aragon, Nannete Parrocha at Itong Aguinaldo.

Sa lahat ng global batangbalete ang bawat larawang ipapadala ninyo upang ating maabot ang ating layunin na pagsamasamahing muli ang mga batangbalete sa internet ay tiyak na makikita sa ating tambayan.

Kaya’t e-mail na sa batangbalete@gmail.com